Diafragma

Diafragma ka formën e një gjysmësfere prej kauçuku apo silikoni e vendosur mbi një unazë fleksibile. 

• Diafragma vepron si një pengesë mekanike duke mbuluar qafën e mitrës. Ajo pengon spermatozoidet të depërtojnë në mitër (uterus).
• Është e obligueshme që të përdoret me një spermicid.
• Reaksioni kimik i spermicidit shkatërron spermatozoidet dhe rritë efikasitetin e kësaj metode.

Efikasiteti i diafragmës varet nga respektimi i këshillave të përdorimit.

Përdorimi

Përdorimi i diafragmës kërkon një ushtrim paraprak.

• Madhësia e diafragmës duhet të adaptohet dhe përcaktohet nga mjeku.
• Pasi diafragma të lyhet me spermicid, femra duhet ta fusë ateë vetë në vaginë, para çdo marrëdhënie seksuale.
• Për ta kontrolluar vënien e saj, verifikoni me gisht nëse qafa e mitrës është mirë e mbuluar nga diafragma.
• Diafragma duhet të ngelë në vendin e vet në vaginë më së paku 8 orë pas marrëdhënies seksuale, por jo më shumë se 24 orë.
• Në rast të marrëdhënieve të vazhdueshme seksuale, duhet shtuar një dozë krem spermicidi pa e tërhequr diafragmën; edhe nëse është futur vetëm 2 orë para marrëdhënies seksuale.
• Për ta hequr diafragmën, vendosni njërin gisht nën unazën në hyrje të vaginës dhe tërhiqeni.
• Duhet të pastrohet me ujë të ngrohtë, të teret dhe të ruhet në kutinë e vet.
• Kujdes ! Spermicidi me benzalkonium e humb efikasitetin e vet në kontakt me sapunin. Referohuni në udhëzimin që gjendet në ambalazhin e spermicidit dhe/ose të fletës "Spermicidi me benzalkonium".

Duhet ditur edhe këtë

• pas njeë lindjeje ose humbje të peshës, madhësia e diafragmës duhet të verifikohet dhe të adoptohet rishtazi nëse ka nevojë.
• duhet bërë kontrollimi i diafragmës nga mjeku me rastin e çdo konsultimi gjinekologjik vjetor.
• ekzistojnë gjithashtu mjete tjera kontraceptive të quajtura „pallto e qafës“ (i ngjashëm me një pallto pa krahë), me dimensione më të vogla se sa diafragma, që mbulojnë qafën e mitrës. Veprimi i tyre është i njëjtë me veprimin e diafragmës.

Mirë të dihet

• Mbrojtjen më të mirë nga infeksioni me HIV ose infeksione të tjera seksualisht të transmetueshme ofron ‘safer sex’, kjo do të thotë:
  1. Gjatë marrëdhënieve me penetrim vaginal ose anal të përdoren gjithmonë kondomë për mashkullin ose femrën.
  2. Rekomandime të tjera, përshtatur situatës personale, mund të gjeni në ‘Safer-Sex-Check’ të faqes së internetit lovelife.ch.

2018, SANTÉ SEXUELLE SUISSE, Fondation suisse pour la santé sexuelle et reproductive; ALECSS Association suisse latine des spécialistes en santé sexuelle, Éducation – Formation – Conseil; faseg, Fachverband sexuelle Gesundheit in Beratung und Bildung