Infeksione seksualisht të transmetueshme

Çfarë janë ato ?

Information: Diese Seite wird in Kürze überarbeitet.

Këto infeksione transmetohen nëpërmjet kontakteve (vaginale, orale, anale). Disa prej tyre mund të transmetohen edhe në rrugë tjetër:

• Nëpërmjet gjakut
• Nëpërmjet prekjeve dhe puthjeve
• Gjatë shtatzënisë, lindjes ose dhënies gji

Në rast të dallimit të hershëm të infeksioneve, shumica e tyre mund të mjekohet. Kur nuk mjekohen, mund të pasojnë nga këto konsekuenca të rënda (p.sh. kancer, sterilitet). Ato e ngrenë edhe rrezikun e infektimit me HIV/Sidën.

Si quhen ato infeksione?

Ato transmetohen nëpërmjet:

• Baktereve: Klamida [Chlamydia], gonorrhea (triperi), gardnerella, sifiliz
• Viruseve: Papillomavirus; (HPV) herpes, hepatit B+C, HIV/Sida
• Kërpudhave: Mykoza (candida)
• Paraziteve: Trikomonadet, morrat e pubisit, zhuga

Simptomat për të cilat duhet të keni kujdes

• Ekzema «Bibeli» [puçrra], lytha në organet gjenitale ose në anus.
• Irritime, kruarje, skuqje, djegie në zonën e organeve gjenitale
• Rrjedhje me erë të keqe ose e pazakonshme nga vagina, rrjedhje me qelb (edhe pak) nga koka e penisit
• djegie gjatë urinimit
• Rrjedhje e pazakonshme me gjak ose edhe një hemorragji e lehtë jashtë zakoneve.
• Dhimbje të paqarta në pjesën e fundit të barkut, të cilat nuk shkaktohen nga  dhimbjet e menstruacioneve
• Dhimbje dhe djegie gjatë marrëdhënieve seksuale
• Temperaturë, lodhje, ngjyrosje në të verdhe, shqetësime të tretjes
• Skuqje në qiellzë dhe në grykë

Si tek femra, ashtu edhe tek mashkulli këto simptoma mund të jenë shumë diskrete ose mund të mungojnë fare!

Si të mbroheni?

... Në rast të secilit partner seksual/secilës partnere seksuale
... Nëse e ndërroni partnerin/partneren
... Nëse keni disa partnerë/partnere ose nuk keni një marrëdhënie të qëndrueshme
... Jashtë një marrëdhënieje stabile pa bazë besimi
... pavarësisht nga metoda e kontracepsionit e gruas

• Mbrojtjen më të mirë nga infeksioni me HIV ose infeksione të tjera seksualisht të transmetueshme ofron ‘safer sex’, kjo do të thotë:
  1. Gjatë marrëdhënieve me penetrim vaginal ose anal të përdoren gjithmonë kondomë për mashkullin ose femrën.
  2. Rekomandime të tjera, përshtatur situatës personale, mund të gjeni në  ‘Safer-Sex-Check’ të faqes së internetit lovelife.ch.
• Lëreni të vaksinoheni kundër hepatit B dhe HPV.
• Bëni një vizitë kontrolli, nëse ju keni hyrë në rreziqe ose keni simptoma të një infeksioni. Mos prisni derisa të zhdukën simptomat vetvetiu.

Testet e kontrollit mund të bëhen me anë të marrjes së gjakut, urinës, strishos së qafës së mitrës, marrjes së sekretit vaginal ose nga lëndime të mundshme dhe nëpërmjet metodave të tjera mjekësore ose gjinekologe.

Si mund të evitohet transmetimi?

Nëse diagnostifikohet një sëmundje e tillë nga mjekja, informoni partnerin tuaj/partneren tuaj që ai/ajo mund të lërë të vizitohet, madje edhe nëse nuk vërehen shenja.

Evitoni marrëdhënie seksuale gjatë kohëzgjatjes së mjekimit të infeksionit.

2018, SANTÉ SEXUELLE SUISSE, Fondation suisse pour la santé sexuelle et reproductive; ALECSS Association suisse latine des spécialistes en santé sexuelle, Éducation – Formation – Conseil; faseg, Fachverband sexuelle Gesundheit in Beratung und Bildung